დღის თემები
» » 25 ივნისის ასტროლოგიური პროგნოზი

25 ივნისის ასტროლოგიური პროგნოზი

25-06-2018, 01:32
ნანახია: 1151

რას გვირჩევენ ვარსკვლავები 25 ივნისისთვის ჯანმრთელობის, ბიზნესისა და სიყვარულის მიმართულებით?!

ვერძი
იმოქმედეთ სწრაფად და ასევე, სწრაფად მიიღეთ გადაწყვეტილებები, მაგრამ გახსოვდეთ, რომ თქვენს გადაწყვეტილებაზე თქვენი რეპუტაცია, საყვარელ ადამიანთან ურთიერთობა და საერთოდ, მთელი თქვენი მომავალია დამოკიდებული.

კურო 
ვარსკვლავები გირჩევენ, იყოთ მომთხოვნი გარშემომყოფების მიმართ და არ გამოგრჩეთ მცირედი დეტალებიც კი. ამ დღეს თქვენ გარშემო უამრავი თაღლითი იქნება და მაქსიმალურად ფრთხილად იმოქმედეთ - არავის მოატყუებინოთ თავი.

ტყუპები 
ვარსკვლავები არ გირჩევენ ხმაურიან წვეულებაზე წასვლას. ამ ეტაპზე თქვენთვის დასვენება უფრო მომგებიანი და სასურველია. დაისვენეთ ბუნებაში, განმარტოვდით მშვიდ გარემოში. კარგი დღეა ფილოსოფიური საუბრებისა და წიგნების წასაკითხად.

კირჩხიბი
ეს დღე შესანიშნავია ფიზიკური აქტივობისთვის. შეიძლება სხვადასხვა შეჯიბრებაშიც მიიღოთ მონაწილეობა. მაგრამ ვარსკვლავები გაფრთხილებენ, რომ წაგების შემთხვევაში არ განიცადოთ, რადგან მთავარია არა გამარჯვება, არამედ მონაწილეობა, გახალისება და ენერგიის მომატება.

ლომი
არ გამოირიცხება, ამ დღეს უცხოეთიდან სასიამოვნო სიახლე შეიტყოთ, რომელიც მნიშვნელოვნად შეცვლის თქვენს ცხოვრებას უკეთესობისკენ. მანამდე კი სამსახურში მძიმე დღე გელოდებათ. შეეცადეთ, მუშაობის დასრულების შემდეგ განიტვირთოთ. დაურეკეთ მეგობარს ან საყვარელ ადამიანს და გაისეირნეთ ფეხით ღამის ქალაქში.

ქალწული
ამ დღეს თქვენი გარეგნობა და განწყობა უმაღლეს დონეზე უნდა იყოს. შესაძლოა, მოულოდნელად შეხვდეთ ადამიანს, რომელთანაც სასიყვარულო ურთიერთობას წამოიწყებთ და არც ის გამოირიცხება, რომ მასზე იყოს თქვენი მომავალი დამოკიდებული. ასე რომ, დაიწყეთ მომზადება დილიდან.

სასწორი 
ვარსკვლავები გირჩევენ, ემოციები მოთოკოთ, რადგან უმნიშვნელო შეცდომის გამოც კი შესაძლოა, გაბრაზდეთ და კონფლიქტი გამოიწვიოთ. ამიტომ, ნუ მიაქცევთ დიდ ყურადღებას გარშემომყოფების ნათქვამს. მოერიდეთ უსიამოვნებებს, განსაკუთრებით სამსახურში, სახლში და საერთოდ, საზოგადოებრივი თავშეყრის ადგილებში.

მორიელი 
ამ დღეს გადაწყვეტთ, ძველი მეგობრები, ნათესავები და ახლობლები მოინახულოთ. ან იმ ადგილებს ეწვიოთ, სადაც ბავშვობისა და ახალგაზრდობის წლები გაატარეთ. ეს დღე თქვენთვის ნოსტალგიას, მონატრებას უკავშირდება. შესაბამისად, სენტიმენტალური განწყობა შეგექმნებათ. ამ დღის ლოგიკური დასასრული ერთი ბოკალი წითელი ღვინო იქნება.

მშვილდოსანი 
ვარსკვლავები მოგიწოდებენ, ბევრი იშოპინგოთ, ოღონდ საყიდლებზე სასურველია, მარტო წახვიდეთ, რადგან გვერდში მყოფის გარეშე უფრო ბევრს ივლით და სასურველ ნივთებსაც მარტივად მიაგნებთ. საღამოს სახლში კმაყოფილი დაბრუნდებით და მოისურვებთ, რომ საკუთარი ნავაჭრი ოჯახის წევრებსა და მეგობრებს გაუზიაროთ. სურვილი შეგისრულდებათ და ისინიც ვერ დამალავენ აღფრთოვანებას თქვენი ახლად შეძენილი ნივთების მიმართ.

თხის რქა
მეტი დრო დაუთმეთ საოჯახო ბიუჯეტის შედგენას. თუკი უმუშევარი დარჩით, გაუზიარეთ მეგობრებს თქვენი სურვილი მუშაობის დაწყების შესახებ და ისინი უდავოდ, დაგეხმარებიან. მთავარია, სწორად ჩამოყალიბდეთ, ნამდვილად გსურთ მუშაობის დაწყება თუ ცოტა ხანს შესვენება გირჩევნიათ?

მერწყული 
ვარსკვლავები გირჩევენ, მეტი დრო დაუთმოთ ახლობელ ადამიანებთან ურთიერთობას. შესაძლოა, მათი პირადად ნახვა ვერ შეძლოთ, თუმცა, მობილური ტელეფონი და ინტერნეტი ამ პრობლემას სრულად აღმოფხვრის. მათთან ურთიერთობა პოზიტიურ განწყობას შეგიქმნით.

თევზები
ვარსკვლავები გირჩევენ, მეტი დრო გაატაროთ ბავშვებთან. მათი ხალასი განწყობა და პოზიტივი თქვენზე დადებითად აისახება. კარგი იქნება, თუკი პატარებთან ერთად ბუნებაში გაისეირნებთ - მათაც გაახარებთ და თქვენც დამშვიდდებით.

скачать dle 10.3Скачать игры для Android